میدان عرفات۔15جون (اے پی پی):مسجد الحرام دے امام وخطیب حج شیخ ڈاکٹر ماہر بن حمد آکھیے جو تقویٰ دا راستہ ہی فلاح اتے کامیابی دا رستہ اے، ارکان اسلام دی پیروی اچ ہی ہدایت موجود اے، رسول دی ابتاع ک??ݨ آلیں ہمیشہ ہدایت پاتی اے ، قرآن آکھدے جیڑھا ظلم کریندے ایندی وٹھ تھیسی ۔ مومناں کوں تکلیف ݙیوݨ آلے کݙاہیں فلاح نی پا سڳدے ۔ شیطان دے دھوکے تے وسوسیں توں خود کوں محفوظ رکھو، ، کہیں دا حق نہ کھاؤ، ھک ݙوجھے نال تعاون کرو ، مدد دا جذبہ قائم کرو۔ مسجد نمرہ اچ حج دا خطبہ ݙیندے ہوئیں امام شیخ ڈاکٹر ماہر بن حمد آکھیے اللہ متقی لوکاں کوں فلاح نال نجات ݙیندے ۔قیامت دے ݙینھ انہاں کوں ݙکھ نہ پڄسی جیڑھا اللہ دا تقویٰ اختیار کریسی انکوں اتھوں رزق ملسی جتھوں انکوں گمان وی نہ ہوسی ۔ جیڑھا متقی ہوسی اللہ اوندے گناہ معاف کرتے ایندا اجر ودھا ݙیسی ۔ انہاں آکھیے عبادت صرف اللہ دی اتے حکم صرف اللہ دا اتے ایہو دین اے آپݨے رب دی عبادت کرو جیں تساکوں تے تساں توں پہلے پیدا کیتا ایہا توحید دی ??واہی اے۔شیخ ڈاکٹر ماہربن حمد آکھیے اللہ ھک اے جیں دا کوئی شریک کائنی ساری تخلیق اتے معاملہ اللہ سانڳے ہے ، اللہ فرمائے میݙی محبت ہر چیز کوں گھیر رکھیے ، اللہ تے توکل ک??ݨ آلیں تے اللہ کافی اے، اللہ فرمائے میݙی رحمت ہر چیز کوں لکایا ہویا اے ، اللہ ہر چیز دا مالک اے اتے انہاں دا نازل کیتا ڳیا قرآن سدھی راہ ݙکھیندے، اے لوکو اللہ توں ݙرو ، تقوی ہی فلاح دا رستہ اے، دنیا دی زندگی کتھائیں تساکوں دھوکے اچ نہ رکھے ۔ انہاں آکھیے میں گواہی ݙینداں حضرت محمد ﷺ اللہ دے رسول ہن، اللہ آپ ﷺ ??و ں سارے جہاناں سانڳے رحمت بݨا تے بھیڄے ، اللہ نے محمد ﷺ ??وں ??بی??? بݨا تے بھیجے تے نبی کریم ﷺ دی پیروی دا حکم ݙتے بے شک اللہ تے انہاں دے رسول دے احکامات دی پیروی ک??ݨ آلے ہی دنیا تے آخرت اچ سرخرو تھیسن ، رسول ﷺ دی اتباع ک??ݨ آلیں دی فلاح پاتی اے ۔امام مسجد الحرام آکھیے اللہ دے سوا کوئی عبادت دے لائق کائنی اللہ تے توکل ک??ݨ آلیں سانڳے اللہ ہی کافی ہوندے ، اوں ݙینھ توں ݙرو جݙاں پتر پیو دے تے پیو پتر دے کم نہ آسی ، نماز پڑھو بے شک نماز برائی توں بچیندی اے ، اللہ تے توکل رکھݨ آلیں کوں دنیا تے آخرت اچ کامیابی ملدی اے ۔شیخ ماہر بن حمد آکھیے اے ایمان آلے اللہ دی ??الھ کرو، انصاف دی ??الھ کرو ، اللہ تے توکل ک??ݨ آلیں کوں دنیا تے آخرت دی ??امیابی ملدی اے ، انسان کوں خیر دے رستے تے چلݨا چاہیدے ، اللہ تعالی عظیم اے اتے ٻہوں وݙی حکمت آلا اے، اسلام حق دار کوں حق ادا کرݨ دا حکم ݙتے ایں سانڳے اے ایمان آلے حقوق العباد دا خیال رکھو اتے زکوۃ ادا کرو۔انہاں آکھیے والدین دا نافرمان نہ دنیا اچ کامیاب تھیسی نہ آخرت اچ ، اسلام امانت اچ خیانت توں روکیندے ،اللہ تعالی سݨݨ تے ݙیکھݨ آلا اے ۔ اے ایمان آلے ، اللہ تے رسول ﷺ دی ??الھ منو ، اللہ انساناں کوں اپݨی عبادت سانڳے پیدا کیتے ، اللہ فرمائے، کہیں کوں ناحق قتل نہ کرو، جیڑھا تقوی دا رستہ اپنیسی اللہ انکوں معاف کر ݙیسی ۔ امام مسجد الحرام آکھیے اسلام فحاشی اتے برائی توں بچیندے اللہ تعالی فرمائے کہیں دا مال ہڑپ نہ کرو ، مصیبتاں اتے فساد توں ھک پاسے رہو اللہ فرمائے کہیں کوں پٹھے ناں نال نہ سݙو ساریں توں چنڳاں انسان او ہے جیڑھا ذال تے ٻالاں نال چنڳاں سلوک کریندے ، مسلماناں کوں نیکی دے کماں اچ ھک ݙوجھے نال تعاون کرݨا چاہیدے ارکان اسلام دی پیروی اچ ہی ہدایت اے ۔ انہاں مزید آکھیے عوام ھک ݙوجھے دے حقوق دا احترام کرے، کہیں انسان کوں ناحق قتل نی کرݨا، اللہ فرمائے فیصلے عدل نال کرو ، شراب اتے جوا شیطانی عمل اے۔خطبے دے بعد مسجد نمرہ اچ نماز ظہر دی قصر ادائیگی تھئی ، جیں دی امامت شیخ ڈاکٹر ماہر بن حمد کیتی، مسجد نمرہ اچ خطبہ حج سݨݨ دے بعد عازمین ظہر اتے عصر دیاں نمازاں کٹھے پڑھیاں ۔
.jpg)
.jpg)