اسلام آباد۔30دسمبر (اے پی پی):وزیراعظم محمد شہباز شریف نال وزیر خارجہ بلاول بھٹو زرداری ملاقات کیتی۔ جمعہ کوں وزیراعظم آفس دے پریس ونگ موجب ملاقات اچ وفاقی وزیر خزانہ و محصولات اسحاق ڈار، وفاقی وزیر تجارت سید نوید قمر اتے وزیر مملکت خارجہ امور حنا ربّانی کھر وی موجود ہن۔ ملاقات اچ آندے مہینے جنیوا اچ تھیوݨ آلی ریزیلئینٹ پاکستان کانفرنس دے حوالے نال تفصیلی ڳالھ مہاڑ کیتی ڳئی۔ وزیراعظم کوں کانفرنس دیاں تیاریاں بارے بریفنگ ݙتی ڳئی۔ ایندے توں انڄ وزیر خارجہ وزیراعظم کوں آپݨے دورہ امریکہ بارے وی ݙسایا ۔
