نیویارک۔25ستمبر (اے پی پی) نائب وزیراعظم تے وزیر خارجہ سینیٹر محمد اسحاق ڈار دی اقوام متحدہ دی جنرل اسمبلی دے 80ویں اجلاس دے موقع تے بیلجیم دے ہم منصب نائب وزیراعظم اتے وزیر خارجہ میکسم پریووٹ نال ملاقات تھئی اے۔ خمیس کوں دفتر خارجہ موجب ݙوہیں رہنماواں ودھدے ہوئے ݙو پاسے تعلقات تے ڳالھ مہاڑ کیتی اے اتے تجارت، ترقی، موسمیاتی تبدیلی اتے تعلیم سودھے آپسی دلچسپی دے سارے شعبیاں اچ تعاون کوں ٻیا مضبوط بݨاوݨ دی لوڑھ تے زور ݙتے۔
