پشاور۔ 02 اکتوبر (اے پی پی) پاکستان دے قائم مقام صدر تے چیئرمین سینیٹ سید یوسف رضا گیلانی دی گورنر ہاؤس پشاور وچ صوبائی اسمبلی دی اپوزیشن تے پاکستان پیپلز پارٹی (PPP) دیاں تریمت ارکان نال ملاقات تھئی۔ ایں موقع تے گورنر خیبر پختونخوا فیصل کریم کنڈی، پاکستان پیپلز پارٹی دے صوبائی صدر محمد علی شاہ باچا تے خیبر پختونخوا اسمبلی وچ قائد حزب اختلاف ڈاکٹر عباداللہ وی موجود ہن۔ ملاقات وچ صوبے دی سیاسی صورتحال، و??اقی حکومت نال تعلق رکھݨ آلے معاملات تے سانجھی دلچسپی دے ݙوجھے امور تے ڳالھ مہاڑ تھئی ۔ قائم مقام صدر سید یوسف رضا گیلانی ارکان اسمبلی کوں انہاں دے تحفظات دے حل کیتے مکمل تعاون دا یقین ݙیوائے۔ ایں موقع تے ارکان اسمبلی گورنر فیصل کریم کنڈی دے کردار دی تعریف کیتی جیندے تے چیئرمین سینیٹ گیلانی ریمارکس ݙتے جو پاکستان تحریک انصاف دی صوبائی حکومت دے فاشسٹ تے غیر جمہوری رویے دے باوجود جیویں فیصل کریم کنڈی گورنر دفتر چلیندے پئن ، او قابل ستائش تے قابل تعریف اے۔ ایں دے نال نال، قائم مقام صدر سید یوسف رضا گیلانی گورنر ہاؤس وچ پاکستان پیپلز پارٹی (PPP) دے مرکزی تے صوبائی رہنماؤں نال وی ملاقات کیتی جیندے وچ پیپلز پارٹی دے مرکزی سیکرٹری جنرل انجینئر ہ??ایوں خان، صوبائی صدر محمد علی شاہ باچا، سابق وفاقی وزرا نجم الدین خان تے ساجد حسین طوری، سابق صوبائی وزیر تے سیکرٹری اطلاعات امجد خان آفریدی، سابق سپیکر تے ایم پی اے کرامت اللہ خان چغرمٹی، خیبر پختونخوا اسمبلی وچ پارلیمانی لیڈر احمد کریم کنڈی، ایم پی اے ارباب زرک خان خلیل، ڈویژنل صدر مصباح الدین، ضلعی صدر رضا اللہ چغرمٹی، صوبائی جوائنٹ سیکرٹری ملک سعید، تے ریڈ کریسنٹ خیبر پختونخوا دے چیئرمین فرزند علی وزیر شامل ہن۔ ملاقات دے دوران پارٹی تنظیمی امور، صوبے دی سیاسی صورتحال تے ݙوجھے متعلقہ مسئلیں تے ڳالھ مہاڑ تھئی ۔ قائم مقام صدر ایم پی اے شاز??ہ طہماس دے والد مرحوم دی روح دے ایصال ثواب کیتے فاتحہ خوانی وی کیتی۔ قائم مقام صدر گورنر ہاؤس دے مختلف چیمبرز دا دورہ وی کیتے
