اسلام آباد۔17جنوری (اے پی پی) نائب وزیر اعظم تے وزیر خارجہ سینیٹر محمد اسحاق ڈار پاکستان دے مقامی الیکٹرو آپٹیکل ای او ون سیٹلائٹ دے کامیاب لانچ کوں پاکستان دے خلائی سفر اچ ھک اہم کامیابی قرار ݙتے۔ نائب وزیر اعظم سوشل میڈیا پلیٹ فارم ایکس تے آپݨے سنھیے اچ پاکستان سپیس اینڈ اپر ایٹموسفیئر ریسرچ کمیشن (سپارکو) کوں ایں سنگ میل کوں حاصل کرݨ تے مبارخ ݙتی ۔ انہاں آکھیے اے کامیابی ملک دی قدرتی وسائل دی نگرانی، قدرتی آفتاں دی پیش گوئی اتے انہاں دا جواب ݙیوݨ، درست فصل دے ذریعے خوراک دی حفاظت اچ مدد تے باخبر فیصلہ سازی دے ذریعے معاشی ترقی کوں اڳوں ودھاوݨ سانڳے تیار اے ۔ انہاں آکھیے میں پاکستان سپیس اینڈ اپر ایٹموسفیئر ریسرچ کمیشن (سپارکو) کوں اڄ پاکستان دا مقامی الیکٹرو آپٹیکل سیٹلائٹ لانچ کرݨ تے مبارخ ݙینداں ۔ نائب وزیر اعظم سینیٹر محمد اسحاق ڈار آکھیے مقامی طور تے تیار کیتے ڳئے ای او ون سیٹلائٹ دا لانچ سپارکو دی مہارت اتے پرامن مقاصد سانڳے خلائی ٹیکنالوجی دے حصول سانڳے حکومت پاکستان دے عزم دا ثبوت اے
