لاہور۔28فروری (اے پی پی): لاہور چیمبر دے قیام کوں سو سال مکمل تھیوݨ تے مبارخ ݙینداں ، تقریب داحسن قرات توں آغا زکرݨ چنڳی روایت ??ے جیں دا صلہ اللہ ضرور ݙیسی ،ساݙے کلچر دے جتنے وی رنگ ہن ساریں توں بنیادی رنگ قرآن پاک اے ۔اے ڳالھ وفاقی وزیر مذہبی امور نورالحق قادری سنو??ر دے ݙینھ لاہور چیمبر دے زیراہتمام چیمبر دے سوسال مکمل تھیوݨ دے حوالے نال منعقدہ مقابلہ حسن قرات دی تقریب توں خطاب کریندے ہوئیں آکھی اے ، انہاں آکھیے ساݙی حکومت اچ سارے فرقیں دی متفقہ رائے توں قرآن پاک دامتفقہ ترجمہ مکمل تھی ڳئے ،کے پی کے اچ مڈل تئیں ناظرہ اتے میٹرک تئیں حفظ دا نصاب شروع کرݙتا ڳئے جݙاں جو مشترکہ نصاب اچ سیرت نبی کوں میٹرک تئیں رکھیا ڳئے ،قرآن پاک کوں غلطیاں توں پاک رکھݨ کیتے قرآن بل قومی اسمبلی اچ پیش کیتا ڳئے ،جیڑھا غلطی کریسی اوں کیتے سزاواں تے جرمانے رکھئن ۔انہاں آکھیے مقدس اوراق دی حفاظت کیتے اسلام آباد اچ ری سائیکلنگ پ??ان?? لاوݨ دی تجویز ݙتی اے ،جامعہ ازہر دے نال ایم او یو سائن کیتا ڳئے تے ایندا لاہور اچ کیمپس بݨایا ڳئے جتھاں مصر اتے بئے ملکاں دے قرا حضرات ٻالاں کوں قرآن پاک دی تعلیم ݙیسن ۔انہاں آکھیے قرآن پاک کوں روزانہ ??ند??ی دا حصہ بݨاؤ تاں ??ند??ی دااسلوب چنڳاں تھی ویسی ۔
