اسلام آباد۔4جنوری(اے پی پی)وفاقی وزیر انسانی حقوق شیریں مزاری آکھیے جو کشمیر تے عالمی برادری کوں چپ دا روزہ ترورݨا ہوسی، انسانی حقوق دی تنظیماں کوں بھارتی ظلم و ستم تے آواز چاوݨی چاہیدی اے،تہاڑ جیل اچ ڈاکٹر آسیہ اندرابی دی صحت خراب اےم انہاں کوں ڈاکٹر دی سہولت نئیں ݙتی ڳئی، کشمیری تریمتیں تے ظلم و ستم دی مثال نئیں ملدی، سید علی گیلانی، شبیر شاہ سودھا ٻئے کشمیری رہنما جیلاں اچ بند ہین، بھارت جنیوا کنونشن دے آرٹیکل 76 دی مسلسل خلاف ورزی کریندا پئے۔ اے ڳالھ انہاں کشمیری رہنما ڈاکٹر آسیہ اندرابی دے گھر آلیاں نال پریس کانفرنس اچ آکھی جو مودی سرکار مسلسل انسانی حقوق اتے عالمی انسانی قوانین دی خلاف ورزیاں کریندی پئی اے، کشمیریی رہنماواں دی بلاوجہ قید عالمی قوانین دی خلاف ورزی اے، بھارتی سپریم کورٹ عمر قید کوں مرݨ تئیں سزا قرار ݙتے جیکوں بھارت کشمیری رہنماواں کوں پوری حیاتی قید رکھݨ کیتے استعمال کریندا پئے، عالمی ادارے ایندے تے کردار ادا کرن، ساکوں تریمتیں دے خلاف ظلم و ستم تے آواز چاوݨی چاہیدی اے۔ پریس کانفرنس اچ زیر حراست کشمیری رہنما آسیہ اندرابی دے اہلخانہ دے بیانات وی براہ راست سݨوائے ڳین۔
