اسلام آباد۔ 18 ستمبر (اے پی پی) وفاقی وزیر تعلیم و پیشہ ورانہ تربیت ڈاکٹر خالد مقبول صدیقی آکھیے جو موجودہ دور دا سارین توں وݙا مسئلہ ماحولیاتی تبدیلی اے تے ایندا حل سیرتِ نبویؐ د?? روشنی وچ ممکن اے۔ او گورنمنٹ انسٹیٹیوٹ آف آرٹ اینڈ ڈیزائن ایف الیون ون وچ منعقدہ ݙوجھ?? سالانہ سیرت فیسٹیول دی اختتامی تقریب توں خطاب کریندے پئے ہن ۔ انہاں آکھیے جو رحمت للعالمینؐ د?? تعلیمات وچ انسانیت د?? سارے مسئلیں دا حل موجود اے۔ اساں کوں نبی کریم صلی اللہ علیہ وآلہ وسلم دی سیرت کوں مشن بݨا تے اپݨاوݨا پوسی۔ ایہا نجات دا آخری رستہ اے۔ ڈاکٹر خالد مقبول صدیقی تقریب دے انعقاد تے منتظمین کوں مبارخ ݙتی تے آکھیے جو اے ادارہ صرف ناں دی اتھارٹی کائنی بلکہ ہک قومی مشن نال وابستہ اے۔ انہاں تجویز ݙتی جو سیرت النبیؐ تے کیتی ڳئی تحقیق تے سفارشات کوں عملی جامہ پواوݨ کیتے ہک انڄ ٹیم بݨائی ونڄے جیڑھی انہاں نکات تے عمل درآمد کوں یقینی بݨاوے۔ انہاں آکھیے جو پاکستان کوں ملت اسلامیہ کیتے ہک ماڈل دے ط??ر تے قائم کیتا ڳیا ہئی تے سیرت النبیؐ ایہو او ماڈل اے جیندی بنیاد تے اساں معیشت، معاشرت، قانون، اخلاقیات تے نظامِ تعلیم کوں بہتر بݨا سڳدوں۔ وفاقی وزیر فیسٹیول وچ نمایاں کارکردگی ݙکھاوݨ آلی طالبات دی تعریف کیتی تے آکھیے جو 80 توں 90 فیصد ایوارڈز چھوہریں ڳھدے جیڑھا ایں ڳالھ دا ثبوت اے جو تریمتاں تعلیم تے فنون دے میدان وچ نمایاں مقام حاصل کر ڳئن۔ ہݨ ویلھا آڳئے جو معاشرے وچ وی انہاں کیتے ٻئے موقع پیدا کیتے ونڄن۔ چھیکڑ وچ انہاں امید ظاہر کیتی جو اے سیرت فیسٹیول ہک نویں مشن دا آغاز اے تے حکومت ایں مشن کوں عملی شکل ݙیوݨ کیتے بھرپ??ر تعاون کریسی۔
