لاہور۔23اگست (اے پی پی) وفاقی و??یر منصوبہ بندی ترقی و خصوصی اقدمات احسن اقبال آکھیے معرکہ حق کے بعد ہݨ معرکہ ترقی اچ کامیابی گھنݨی اے ،نینگر ملک دا قیمتی اثاثہ ہن پاکستان کوں 2035 تئیں ہک ٹریلین ڈالر دی معیشت بݨ??سو??، بھارت دا مکار چہرہ دنیا دے سامݨے نظر آچُکے، پاک افواج ثابت کیتا جو دنیا اچ انہاں دا کوئی مقابلہ کائنی، ملکی ترقی اچ انجینئراں دا ٻہوں اہم کردار اے۔ اے ڳالھ انہاں انسٹی ٹیوشن آف انجینئرز پاکستان (آئی ای پی) دے ??یر اہتمام نشان امتیاز ملݨ تے آپݨے اعزاز اچ منعقدہ تقریب توں خطاب کریندیں آکھی ۔ ایں موقع تے چیئرمین آئی ای پی انجینئر منصور علی خان، سیکرٹری عامر ضمیر، انجینئر محمد عثمان فاروق، انجینئر جاوید قریشی، انجینئر خالد بشیر، پاکستان انجینئرنگ کونسل دے صدر انجینئر عارف چوہدری، ایف ای آئی ایس سی اے دے سیکرٹری جنرل انجینئر سلطان محمود، فیڈریشن آف انجینئرز آف اسلامک کنٹریز دے نمائندہ انجینئر سہیل مجید اتے این ای ڈی دے سابق وائس چانسلر و پی ای سی دے سینیئر رکن انجینئر سروش لودھی سودھے ݙوجھے وی ایں موقع تے موجود ہن۔ وفاقی و??یر آکھیے جو “اللہ تعالیٰ دا شکر ادا کرینداں جو میکوں نشان امتیاز ملیا، میں سمجھداں جو اے اعزاز میݙی ذات کوں نئیں ملیا بلکہ اے پاکستان دے ہر انجینئر اتے ہر پروفیشنل کوں ملئے، میں وی ہک انجینئر ہاں اتے بطور انجینئر میں تساں ساریں دی نمائندگی کرینداں۔ وفاقی و??یر آکھیے جو میݙا تعلق کہیں جاگیردار یا سرمایہ دار گھرانے توں نہ ہئی میں ہک مڈل کلاس دا نمائندہ ہاں اتے جے ہک انجینئرنگ دا طالب علم یونیورسٹی دی کلاس روم توں پاکستان دا و??یر منصوبہ بندی اتے ول نشان امتیاز حاصل کرݨ دا سفر کر سڳدے تاں کوئی وجہ کائنی جو اتھاں موجود ہر نوجوان انجینئر اے سفر نہ کرسڳے۔ انہاں آکھیا جو “بغیر کہیں شک دے حق دی لڑائی اچ پاکستان شاندار کامیابی حاصل کیتی اتے ایں کامیابی پاکستان کوں دنیا دے سامݨے ہک واری ول سرخرو کر ݙتا اتے اساݙے ایں دشمن دا غرور ??ی نال م??ا ݙتا جیں 30 سال لا تے آپݨے چہرے تے ہک علاقائی سپر پاور تھیوݨ دا میک اپ سجایا ہئی، ساݙیاں بہادر مسلح فوجاں دے سخت جواب ایں دا او سارا میک اپ چہرے توں لہا ??ے دنیا کوں ثابت کر ݙتا جو ایں دی اصل حقیقت کیا اے اتے پاکستان دی برتری دی دنیا ??ے دھاک ٻلھا تے پاکستان کوں دنیا اچ ہک نواں مقام ݙیوایا، بغیر کہیں شک دے اے اساݙے کیتے بہوں وݙی کامیابی اے لیکن تاریخ اے ݙسیندی اے جو سیاست اچ اتے جنگ دے میدان اچ کوئی وی کامیابی ہمیشہ نی رہندی جݙاں تئیں ایں دی پشت اتے ٹیکنالوجی اتے معیشت دی کامیابی دی دیوار کھڑی نہ کیتی ونڄے، اساں بغیر کہیں شک دے حق دی لڑائی جت ڳئے لیکن ہݨ ہک نویں لڑائی دا آغاز تھی ڳئے اتے او لڑائی ترقی دی اے جیں کوں اساں جتݨا اے، ایں ترقی دی لڑائی دا روڈ میپ “اڑان پاکستان” دی صورت اچ قوم دے سامݨے اے جیں کیتے اساں کوں ہر ویلھے ہر لمحے ہر ݙینھ محنت کرݨی اے تاں جو اساں پاکستان کوں 2035 تئیں ہک ٹریلین ڈالر معیشت اچ ڈھال سڳوں، جے اساں ایجھا کرݨ اچ ناکام رہیے تاں ول ساݙی جنگی ا??ے دفاعی شعبے دے اندر کامیابی کوں اساں ٻہوں دیر تئیں قائم نہ رکھ سڳسوں۔
