راولپنڈی۔6ستمبر (اے پی پی)امریکا آرمی سینٹرل کمانڈ دے ذریعے پاکستان اچ چھل توں متاثرہ آبادی کیتے انسانی ہمدردی دی بنیاد تے امداد ݙتی اے، امدادی سامان گھن تے پہلی پرواز پڄی ۔ ہفتہ کوں آئی ایس پی آر ولوں جاری بیان موجب امریکا توں کل 6 پروازاں امدادی سامان گھن تے پاکستان ٻڄسن جہناں اچ خیمے، پاݨی کݙھݨ آݪیاں مشیناں (ڈی واٹرنگ پمپس) اتے جنریٹرز سودھے ٻیاں ضروری چیزاں شامل ہن۔ پہلی پرواز ہفتہ پاکستان پڄی۔ امریکی ناظم الامور اتے کمانڈر آرمی سنٹرل کمانڈ ابتدائی امدادی سامان دی وصولی دی تقریب اچ شرکت کیتی اتے ایہو سامان باضابطہ طور تے پاک فوج دے حوالے کیتا۔ ایہو امدادی سامان پاک فوج دے چھل ریلیف کیمپس اچ منتقل کیتا ویسی، اتھوں چھل ب توں متاثرہ لوکاں اچ ونڈیا ویسی۔ پاکستان دی حکومت اتے عوام اوکھے ویلھے چھل متاثرہ لوکاں دے نال کھڑݨ تے امریکی حکومت اتے افواج دے شکر گزار ہن۔
