اسلام آباد۔8اکتوبر(اے پی پی) وزیراعظم محمد شہباز شریف آکھیے جو سعودی ولی عہد /وزیراعظم شہزادہ محمد بن سلمان دی قیادت اچ سعودی عرب ترقی دی جیڑھی مثال قائم کیتی اے او دنیا کیتے قابل تقلید مثال اے، پاکستان اتے سعودی عرب وچال اڄوکا سانجھا دفاعی معاہدہ ݙوہائیں ملکاں دے اقتصادی، تزویراتی، دفاعی اتے تجارتی تعلقات کوں مزید ودھارا ݙیسی ۔ اے ڳالھ انہاں سعودی شوریٰ ک??نسل دے چیئرمین ڈاکٹر عبداللہ بن محمد بن ابراہیم الشیخ دی قیادت اچ وفد نال ڳالھ مہاڑ کریندے آکھی جنہاں اتھاں انہاں نال ملاقات کیتی۔نائب وزیراعظم / وزیر خارجہ سینیٹر محمد اسحاق ڈار، سپیکر قومی اسمبلی سردار ایاز صادق، وفاقی وزیر مذہبی امور سردار محمد یوسف اتے متعلقہ اعلیٰ حُکام وی ایں موقع تے موجود ہن۔ وزیراعظم دفتردے میڈیا ونگ توں جاری بیان موجب وزیراعظم و??د دے دورہ پاکستان دا خیرمقدم کریندے ڈاکٹر عبداللہ بن محمد بن ابراہیم الشیخ نال ملاقات کوں ریا?? و ??دہ اچ انہاں نال کیتی ڳئی آپݨی پچھلیاں ملاقاتاں وانڳوں خوش??وا?? قرار ݙتا۔ وزیراعظم سعودی فرمانروا خادم الحرمین شریفین شاہ سلمان بن عبدالعزیز آل سعود کیتے نیک خواہشات دا پیغام ݙتا اتے انہاں دی صحت و تندرستی کیتے دعا کیتی۔وزیراعظم آکھیا جو سعودی ولی عہد / وزیراعظم شہزادہ محمد بن سلمان دا سعودی عرب دی ترقی دا وژن قابل تعریف اے، انہاں دی قیادت اچ سعودی عرب ہر شعبے اچ کمال ترقی دی مثال قائم کیتی اے جیڑھا دنیا دے باقی ملکاں کیتے ہک قابل تقلید مثال اے۔ انہاں اقتصادی اتے سماجی شعبے دی ترقی اتے تریمتاں کوں بااختیار بݨاوݨ کیتے مثالی اقدامات کیتن۔ وزیراعظم آکھیا جو پاکستان سعودی عرب دے نال اڄوکے سانجھے دفاعی معاہدے کوں ٻہوں قدر دی نگاہ نال ݙیکھدے، اے معاہدہ ݙوہائیں ملکاں وچال موجود اقتصادی، تزویراتی، دفاعی اتے تجارتی تعلقات کوں مزید ودھارا ݙیسی۔ایں موقع تے سعودی شوریٰ دے چیئرمین شاندار میزبانی تے وزیراعظم دا شکریہ ادا کیتا۔ انہاں پاکستان و سعودی عرب وچال اڄوکے سانجھے دفاعی معاہدے کوں ٻہوں اہم قرار ݙیندے آکھیا جو اے معاہدہ ݙوہیں ملکاں دے عوام وچال پراݨی بھرہی دے تعلقات کوں ظاہر کریندے۔ انہاں ݙوہائیں ملکاں وچال پارلیمانی تعلقات کوں مزید تکڑا بݨاوݨ دی اہمیت تے زور ݙتا۔ ݙوہائیں رہنماواں پاکستان و سعودی عرب وچال پارلیمانی وفد دے تبادلیں ودھاوݨ تے اتفاق کیتا۔
